ශ‍්‍රී ලංකාවට එරෙහිව ජාත්‍යන්තරය හමුවේ කරුණු දැක්වීම සදහා තමන් ජිනිවා නුවරට ගොස් ඇතැයි පළවන මාධ්‍ය වාර්තා තරයේ ප‍්‍රතික්ෂේප කරන බව එක්සත් ජාතික පක්ෂ පාර්ලිමේන්තු මන්ත‍්‍රී ජයලත් ජයවර්ධන මහතා පවසයි.
මේ දිනවල ජීනිවා නුවර පැවැත්වෙන ජගත් මානව හිමිකම් සැසිවාරයේදී මෙරට ප‍්‍රතිරූපයට හානි වන අයුරින් කටයුතු කිරීමට තමන් සැලසුම් කර ඇතැයි අදාල මාධ්‍ය වාර්තා මගින් පෙන්වා දී තිබූ බව අද පැවති මාධ්‍ය හමුවකට එක්වෙමින් මන්ත‍්‍රීවරයා පෙන්වා දුන්නේය.
තමන් විදෙස් ගතව සිටින බව අසත්‍ය ප‍්‍රචාර නිකුත් කල පාර්ශවයන්ට තමන් මෙරට රැදී සිටින බව පෙන්වාදීම සදහා අද මාධ්‍ය හමුවට සහභාගි වූ බව ද ජයලත් ජයවර්ධන මහතා අවධාරණය කර සිටියේය.
පසු සටහන- ම්ට අදාල පෙර පුවත අප වෙබ් අඩවියේද වාර්තා වූ අතර එහි කිසිදු තැනක ජයලත් ජයවර්ධන මන්ත‍්‍රීවරයා විදෙස්ගතව සිටින බවත් සඳහන් කර නොමැත. ජාත්‍යන්තර කොටි ජාලය සූදානම් කිරීම සඳහා විදෙස් ගතවීම අත්‍යවශ්‍ය යයි අප සලකන්නේද නැත.